Course DetailsHome / Courses Details
ភាសាខ្មែរ ថ្នាក់ទី ៣
នៅពេលកុមារឈានចូលដល់អាយុ៩ឆ្នាំ ពួកគេកាន់តែស្គាល់ខ្លួនឯងកាន់តែច្បាស់និងមានភាពជាខ្លួនឯងកាន់តែច្រើន ជាពិសេសមានអារម្មណ៍ឃ្លាតឆ្ងាយនិងកាត់ផ្តាច់ពីពិភពលោកកាន់តែខ្លាំង។ ពួកគេមានការស្ទាក់ស្ទើរនិងមន្ទិលសង្ស័យពីវត្តមានរបស់ពួកគេនៅក្នុងសង្គម ក៏ដូចជាឆ្ងល់និងមានសំណួរពីមូលហេតុនៃអាកប្បកិរិយារបស់មនុស្ស។ រឿងនិទានដែលទាក់ទងនឹងការពុះពារឧបសគ្គនិងជម្លោះរួមជាមួយនឹងច្បាប់វិន័យនិងដំបូន្មានដែលមនុស្សប្រើប្រាស់ក្នុងការដោះស្រាយនូវភាពខុសគ្នារបស់ពួកគេជួយក្មេងៗក្នុងការយល់ពីអារម្មណ៍របស់ខ្លួនពួកគេផ្ទាល់ក៏ដូចជាធ្វើការគ្រប់គ្រងដោយមានប្រសិទ្ធភាព។ ការសង្កត់ធ្ងន់លើការសិក្សាដោយអនុវត្តជាក់ស្តែងពីអាហារ ជម្រក និងសម្លៀកបំពាក់បង្ហាញដល់ក្មេងៗថាមនុស្សរកឃើញវិធីក្នុងការរស់នៅលើផែនដី ហើយនេះនឹងជួយស្រាយចម្ងល់និងពង្រឹងទំនុកចិត្តរបស់ពួកគេ។ ប្រធានបទទាំងអស់នេះជួយបំពេញបន្ថែមទៅលើការសិក្សារង្វាស់រង្វាល់ដែលជួយពង្រឹងក្មេងៗថ្នាក់ទី៣ជាមួយនឹងសកម្មភាពដែលមានគោលបំណងច្បាស់លាស់និងអាចប្រើប្រាស់ក្នុងជីវភាពប្រចាំថ្ងៃ។
ក-អំពីកម្មវិធី បឋមសិក្សា
សាលាឋមសិក្សាប៊ី អ៊ីចស្ពឺត គឺជាសាលារៀនឯកជនតែមួយគត់នៅស្រុកថ្មគោល ខេត្តបាត់ដំបង ដែលមានទីធ្លារធំទូលាយ អនាម័យ និង វិន័យល្អ និង មានតម្លៃសិក្សាសមរម្យ និងឈានមុខគេ ក្នុងការផ្តល់សេវាអប់រំ ផ្នែកចំណេះទូទៅស្របតាមកម្មវិធីសិក្សារបស់ ក្រសួងអប់រំ យុវជន និងកីឡា។ប៉ុន្តែដោយឡែកកម្មវិធីសិក្សារបស់ប៊ី អ៊ិចស្ពឺត មានបន្ថែម ភាសាអង់គ្លេសទៅលើចំណងជើង (Titles)និងចំណងជើងរង (Sub-Titles) ចាប់ពីថ្នាក់ទី១ ដល់ទី៦ហើយមានកម្មវិធីសិក្សាភាសាអង់គ្លេសចំនួន៤ ម៉ោង ក្នុងមួយ ថ្ងៃ ចាប់ពីថ្នាក់ទី៤ ដល់ទី៦និង កម្មវិធីសិក្សាកុំព្យូទ័រចំនួន២ ម៉ោង ក្នុងមួយសប្តាហ៍ ។ សិស្សប៊ី អ៊ិចស្ពឺតបានប្រឡងឆមាសជាប់ តាមតេសស្តង់១០០% ជារៀងរាល់ឆ្នាំ។
ខ-អំពីគ្រូបង្រៀន
សាលារៀនប៊ី អ៊ិចស្ពឺត មានគ្រូបង្រៀន ដែលមានសញ្ញាបត្រគរុកោសល្យ មត្តេយ្យសិក្សា បឋមសិក្សានិងគ្រូមួយចំនួនទៀតកំពុងបន្ត ការសិក្សាថ្នាក់បរិញ្ញាបត្រ ដែលមានបុគ្គលក្ខណៈគ្រប់គ្រាន់ បង្រៀនប្រកបដោយការយកចិត្តទុកដាក់ រួមជាមួយក្តីស្រលាញ់ និងមានភាពច្នៃប្រឌិត ការប្តេជ្ញាចិត្តខ្ពស់ ទេពកោសល្យ និងបទពិសោធន៍ជាច្រើនឆ្នាំ ក្នុងការបង្រៀនកម្មវិធីភាសាខ្មែរស្តង់ដារជាតិ ដែលធ្វើអោយសិស្ស ងាយយល់ ឆាប់ចាប់បាន ឆាប់ចេះ និងទទួលនូវចំណេះដឹង ប្រកបដោយសមត្ថភាពពេញលេញយ៉ាងពិតប្រាកដ។
គ-សម្ភារៈរូបវន្ត
សាលារៀនប៊ី អ៊ិចស្ពឺត មានដាក់រូបភាព (Posters) និងពាក្យស្លោកតាមជញ្ជាំងក្នុងថ្នាក់រៀនដែលទាក់ទងទៅនឹងមេរៀន រួមទាំង ឧបករណ៍សំរាប់បង្រៀន ដូចជា TV, Flash Cardsនិង Story Cards ព្រមទាំងមានប្រព័ន្ធអ៊ិនធឺណិតសម្រាប់ជំនួយដល់ការបង្រៀន និង ទាញយកឯកសារផ្សេងៗដើម្បី ជំនួយដល់ការសិក្សារបស់សិស្សឲ្យកាន់តែមានគុណភាព, បន្ទប់ហ្វឹកហ្វឺនភាសា,បណ្ណាល័យ, អាហារដ្ឋានសិស្ស , បន្ទប់កុំព្យូទ័រ ធំទូលាយ ងាយស្រួល់ដល់ការសិស្សា ។
ឃ-អំពីថ្នាក់រៀន
បន្ទប់រៀននីមួយៗ របស់ មានកង្ហារធំ មានបង្អួចធំៗចំនួនបី ដែលផ្តល់ឲ្យមានបរិយាកាសខ្យល់ចេញចូលគ្រប់គ្រាន់ បំពាក់ដោយកាម៉េរ៉ាសុវត្ថិភាព សំរាប់តាមដានការសិក្សានិងសកម្មភាពនានារបស់សិស្ស និងការបង្រៀនរបស់គ្រូ និងកំណត់ចំនួន សិស្សត្រឹមតែ ២០ ទៅ២៥នាក់ក្នុងមួយថ្នាក់។
ង-ទស្សនកិច្ចសិក្សា
សិស្សចាប់ពីថ្នាក់ទី៤និងទី៥ ត្រូវបានទៅធ្វើទស្សនកិច្ចសិក្សា នៅកន្លែងប្រវត្តិសាសន៍ផ្សេងៗ តាមលទ្ធភាពដែលអាចធ្វើបាន ហើយថ្នាក់ទី៦ ត្រូវបានទៅធ្វើទស្សនកិច្ចសិក្សានៅសារមន្ទីរជាតិ មួយឆ្នាំម្តងជារៀងរាល់ឆ្នាំ។ក្រោយការធ្វើទស្សនកិច្ចសិក្សាសិស្សត្រូវសរសេររៀបរាប់នូវចំណាប់អារម្មណ៍របស់ខ្លួនអំពីលទ្ធផលនៃទស្សនកិច្ចសិក្សា ដើម្បីយកពិន្ទុទៅបូកជាមួយពិន្ទុប្រចាំខែ ។
ច-អំពីការប្រឡង
រាល់ការប្រឡង ប្រចាំខែ និងឆមាស សាលាបានរៀបចំពេលវេលា ជាក់លាក់ និងវិញ្ញាសាត្រឹមត្រូវដើម្បីធានាឲ្យបាន នូវគុណភាពជាចំបង ប៉ុន្តែចំពោះការប្រឡងឆមាស(លើកទី១ និងទី២) ថ្នាក់ទី៦សិស្សប៊ី អ៊ិចស្ពឺត ត្រូវបានបញ្ជូនទៅប្រឡងជាមួយសិស្សថ្នាក់ទី៦នៅសាលារដ្ឋ ។
ភាសា
ការរៀនភាសាកាន់តែមានការសង្កត់ធ្ងន់និងផ្តោតកាន់តែសំខាន់នៅក្នុងឆ្នាំនេះជាមួយនឹងការរៀនពីវណ្ណយុត្តិដែលជួបញឹកញាប់ ថ្នាក់ពាក្យ វេវចនសព្ទ (ពាក្យន័យដូច) និងបដិសព្ទ (ពាក្យន័យផ្ទុយ) ។ ការប្រកប ការប្រមូលផ្តុំនិងរៀបចំគំនិតតាមលំដាប់លំដោយ និងការប្រើប្រាស់វាក្យសព្ទកាន់តែច្រើននឹងត្រូវបានអនុវត្ត។ ការនិយាយនិងការស្តាប់នឹងត្រូវបានអភិវឌ្ឍកាន់តែល្អ ជាពិសេសការពិភាក្សាក្រុមដ៏សកម្មនឹងជួយក្មេងៗក្នុងការបញ្ចេញគំនិតផ្ទាល់ខ្លួនដោយភាពជឿជាក់ទៅលើប្រធានបទមេរៀន។ ក្រៅពីការពិភាក្សាក្រុម ការសរសេរអត្ថបទក្នុងសៀវភៅមេរៀនគោលនិងការសរសេរតាមអានក៏នឹងត្រូវបានអនុវត្តផងដែរ។
គណិតវិទ្យា
ការសិក្សាពីរង្វាស់រង្វាល់គឺជាចំណុចដែលផ្តោតសំខាន់នៅក្នុងថ្នាក់ទី៣ដែលនឹងជួយក្មេងៗក្នុងការពង្រឹងនិងប្រើប្រាស់គណិតវិទ្យាក្នុងជីវភាពប្រចាំថ្ងៃ។ ដោយចាប់ផ្តើមជាមួយនឹងរឿងនិទានពីការវិវឌ្ឍនៃប្រព័ន្ធរង្វាស់រង្វាល់ ក្មេងៗនឹងរៀនពីរង្វាស់ប្រវែង រង្វាស់មាឌ រង្វាស់ទម្ងន់ ពេលវេលា និងរូបិយប័ណ្ណ។ សកម្មភាពអាចនឹងមានការធ្វើ sundials (ប្រដាប់វាស់ពេលវេលាកាលពីសម័យមុន) ការប្រើប្រាស់បន្ទាត់ និងជញ្ជីងជាដើម ពិសេសការទិញឥវ៉ាន់នៅផ្សារក្នុងតំបន់ ការវាស់វែងទីធ្លា និងការធ្វើប្រតិទិនប្រចាំឆ្នាំ។
វិទ្យាសាស្ត្រសង្គម
ការសិក្សាពីជំនាញអនុវត្តជាក់ស្តែងគឺជាចំណុចគោលសំខាន់ក្នុងកម្មវិធីសិក្សាថ្នាក់ទី៣។ ការកើនឡើងនៃភាពងឿងឆ្ងល់ពីវត្តមានរបស់ពួកគេក្នុងពិភពលោកត្រូវបានចោទជាសំណួរដូចជា “តើមនុស្សរស់នៅនិងធ្វើការដោយរបៀបណា?”។ នេះត្រូវបានឆ្លើយដោយមេរៀនពីជម្រកនិងការសាងសង់ផ្ទះ ដំណើរការពីគ្រាប់ធញ្ញជាតិទៅជាម្សៅទៅជានំប័ុងនិងការធ្វើកសិកម្មក្នុងវប្បធម៌ខុសៗគ្នា និងការផលិតសរសៃអំបោះឬសូត្រទៅជាសម្លៀកបំពាក់។ ការសិក្សាទាំងទិដ្ឋភាពជាតិនិងអន្តរជាតិជួយក្មេងៗពិចារណាលើកត្តាដែលអាចជះឥទ្ធិពលដល់ប្រភេទផ្ទះដែលត្រូវបានសាងសង់និងដំណាំដែលត្រូវបានដាំនៅផ្នែកផ្សេងៗនៃពិភពលោក។
ដំណើរទស្សនកិច្ចសួនច្បារឬកសិដ្ឋាន
សិស្សថ្នាក់ទី៣ក៏នឹងមានតួនាទីបន្ថែមក្នុងការជួយថែរក្សាសួនច្បារក្នុងសាលា ក៏ដូចជាការរៀននិងចូលរួមធ្វើជីកំប៉ុស។ ដោយការសិក្សាពីការធ្វើកសិកម្ម ក្មេងៗអាចនឹងចូលរួមធ្វើការនៅកសិដ្ឋានប៉ុន្មានថ្ងៃ ក៏ដូចជារៀនពីវដ្តអាហារនិងការថែទាំសត្វ។ ពួកគេនឹងកាន់តែមានភាពឯករាជ្យនៅពេលដែលពួកគេកាន់តែមានទំនួលខុសត្រូវថ្មីៗនិងការសហការជាមួយនឹងមិត្តរួមថ្នាក់ក្នុងការរៀបចំអាហារ កន្លែងគេង និងធ្វើការសម្អាត។
កម្មវិធីសិក្សាថ្នាក់ទី ៣
|
មុខវិជ្ជាគោល |
គណិតវិទ្យា |
ភាសាខ្មែរ |
ភាសាអង់គ្លេស |
សិក្សាសង្គម |
វិទ្យាសាស្រ្ត |
|
រង្វាស់រង្វាល់គ្រប់ប្រភេទ ប្រមាណវិធីគុណ មេគុណ |
វេយ្យាករណ៍ងាយៗនិងការសរសសេរ ការធ្វើបទបង្ហាញ |
វេយ្យាករណ៍កម្រិតដំបូង |
ប្រភេទជម្រកផ្សេងៗ |
ផលិតកម្មអាហារនិងជីវិតនៅកសិដ្ឋាន |
|
|
មុខវិជ្ជាផ្សេងៗ |
គំនូរ/ការផាត់ពណ៌ |
តន្រ្តី |
ចលនា |
ហត្ថកម្ម |
|
|
គូរស្រមោលដោយប្រើខ្មៅដៃពណ៌ |
ច្រៀងជារង្វង់ |
កីឡាក្នុងរង្វង់ ល្បែងត្រែះ ល្បែងជាជួរ រាំជារង្វង់ |
ការចាក់អំបោះប្រើម្ជុលមួយ − មួយតង់និងពីរតង់ រឺ ចាក់ច្រវ៉ាក់(កន្ទុយកណ្ដុរ) |
|
|
|
កម្មវិធីផ្សេងៗ រួមបញ្ចូល:
|
ការចម្អិន៖ ជំនាញក្នុងផ្ទះបាយ វាក្យសព្ទ ម្ហូបអន្តរជាតិ អនាម័យ និងការសម្អាត |
||||
អ្នកគ្រូបង្គោលថ្នាក់ទី ៣
hello