Course DetailsHome / Courses Details
ភាសាខ្មែរ ថ្នាក់ទី ៤
ថ្នាក់ទី៤
ជាមួយនឹងបទពិសោធន៍ដែលទទួលបានពីឆ្នាំមុន សិស្សថ្នាក់ទី៤កាន់តែមានភាពជឿជាក់កាន់តែខ្លាំងទៅលើសមត្ថភាពរបស់ពួកគេនិងមានចិត្តចង់បំពេញកិច្ចការដែលកាន់តែពិបាក។ ពួកគេមានគ្រឹះយ៉ាងរឹងមាំខាងផ្នែកភាសា គណិតវិទ្យា និងត្រៀមខ្លួនរួចរាល់ក្នុងការធ្វើការដោយឯករាជ្យទៅលើការសរសេររបាយការណ៍និងសំណេរ។ រឿងនិទានពីភាគខាងជើងផ្តល់នូវភាពទាក់ទាញនិងក្តីរំភើបទៅលើការរៀនរបស់ពួកគេនិងផ្តល់ឱកាសដល់ក្មេងៗក្នុងការសិក្សាពីស្ថានភាពសង្គមដែលកាន់តែស្មុគស្មាញ។
ភាសា
ការរៀនភាសាមានការផ្តោតសំខាន់ទៅវាក្យសព្ទថ្មីៗ ការសរសេរតាមអាន ការសរសេរដោយឯករាជ្យ និងការកែតម្រូវសំណង់ល្បះ។ អត្ថបទត្រូវបានដកស្រង់ចេញពីរឿងនិទានពីភាគខាងជើងដែលផ្តោតសំខាន់ទៅលើបុគ្គលិកលក្ខណៈរឹងមាំនិងជម្លោះក្នុងសង្គម។ ក្នុងអំឡុងពេលរៀនប្រធានបទពីសត្វ សិស្សានុសិស្សធ្វើការសិក្សាស្រាវជ្រាវ សរសេររបាយការណ៍ និងបទបង្ហាញជាមួយនឹងភាពច្នៃប្រឌិតរបស់ពួកគេដោយការគូរ ផាត់ ឬសូនរូបសត្វដែលពួកគេជ្រើសរើស។ ជំនាញផ្សេងៗដូចជាការស្វែងរកព័ត៌មានសំខាន់ ការសង្ខេបពីអ្វីដែលបានអាន និងការពិភាក្សាពីលទ្ធផលនៃរឿងសុទ្ធតែត្រូវបានបញ្ចូលនៅក្នុងការរៀនរបស់ពួកគេ។
គណិតវិទ្យា
ថ្នាក់ទី៤ជាឆ្នាំដែលរៀនពីប្រភាគដែលនឹងត្រូវបានបង្រៀនជាមួយនឹងរឿងនិទាន សកម្មភាពធ្វើដោយដៃ និងការគូររូបវត្ថុទាំងមូលដែលត្រូវបានបំបែកជាចំណែកៗ។ ដំបូង សិស្សានុសិស្សប្រើប្រាស់សម្ភារសិក្សាជាច្រើនក្នុងការបង្កើនការយល់ពីប្រភាគឱ្យកាន់តែច្បាស់មុនពេលពួកគេរៀនពីដំណើរការនៃការបូកនិងដកប្រភាគ។ ដោយមានការអនុវត្តយ៉ាងច្រើន ពួកគេកាន់តែមានភាពងាយស្រួលក្នុងការសម្រួលប្រភាគ គណនាលេខខ្ចីនិងមានត្រាទុក និងការគណនាប្រភាគនៃចំនួនទាំងមូល។ វិធីចែកច្រើនខ្ទង់និងការអនុវត្តប្រមាណវិធីផ្សេងៗក្នុងគណិតវិទ្យាជាមួយនឹងលេខកាន់តែច្រើនខ្ទង់ដល់ខ្ទង់មុឺននិងសែនក៏ត្រូវបានរួមបញ្ចូលផងដែរ។
វិទ្យាសាស្ត្រសង្គម
សត្តវិទ្យា (ការរៀនពីសត្វ) ត្រូវបានបង្រៀនក្នុងថ្នាក់ទី៤ជាមួយនឹងការរៀនកាន់តែសុីជម្រៅពីប្រភេទនិងជម្រកសត្វផ្សេងៗ វដ្តជីវិត ការផ្សុាំខ្លួន និងអាកប្បកិរិយារបស់សត្វ។ ទំនាក់ទំនងរវាងមនុស្សនិងសត្វនិងភាពខុសគ្នានៃសរីរាង្គរបស់ប្រភេទសត្វផ្សេងៗ ក៏ត្រូវបានធ្វើការផ្តោតសំខាន់ផងដែរ។ លើសពីនេះទៅទៀត សិស្សានុសិស្សក៏នឹងសិក្សាពីភូមិវិទ្យាដែលនឹងជួយពួកគេឱ្យកាន់តែយល់និងស្គាល់ពិភពលោកបានកាន់តែទូលាយដោយធ្វើការរុករកនិងសិក្សាស្រាវជ្រាវបរិស្ថានក្នុងតំបន់ដូចជាសាលារៀននិងគេហដ្ឋានពួកគេ ហើយនឹងទីតាំងភូមិសាស្រ្តក៏ដូចជាសណ្ឋានដីរបស់ខេត្តសៀមរាបទាំងមូល។ ទម្រង់សរីរាង្គសត្វ ការគូសផែនទី និងគំនូរក្បាច់ក៏ជួយពង្រឹងជំនាញផ្នែកសិល្បៈរបស់សិស្សានុសិស្ស ហើយក្នុងពេលជាមួយគ្នាធ្វើការសាកល្បងពួកគេជាមួយនឹងសម្ភារសិក្សានិងជំនាញថ្មីៗ។
ក-អំពីបឋមសិក្សា
សាលាឋមសិក្សាប៊ី អ៊ីចស្ពឺត គឺជាសាលារៀនឯកជនតែមួយគត់នៅស្រុកថ្មគោល ខេត្តបាត់ដំបង ដែលមានទីធ្លារធំទូលាយ អនាម័យ និង វិន័យល្អ និង មានតម្លៃសិក្សាសមរម្យ និងឈានមុខគេ ក្នុងការផ្តល់សេវាអប់រំ ផ្នែកចំណេះទូទៅស្របតាមកម្មវិធីសិក្សារបស់ ក្រសួងអប់រំ យុវជន និងកីឡា។ប៉ុន្តែដោយឡែកកម្មវិធីសិក្សារបស់ប៊ី អ៊ិចស្ពឺត មានបន្ថែម ភាសាអង់គ្លេសទៅលើចំណងជើង (Titles)និងចំណងជើងរង (Sub-Titles) ចាប់ពីថ្នាក់ទី១ ដល់ទី៦ហើយមានកម្មវិធីសិក្សាភាសាអង់គ្លេសចំនួន៤ ម៉ោង ក្នុងមួយ ថ្ងៃ ចាប់ពីថ្នាក់ទី៤ ដល់ទី៦និង កម្មវិធីសិក្សាកុំព្យូទ័រចំនួន២ ម៉ោង ក្នុងមួយសប្តាហ៍ ។ សិស្សប៊ី អ៊ិចស្ពឺតបានប្រឡងឆមាសជាប់ តាមតេសស្តង់១០០% ជារៀងរាល់ឆ្នាំ។
ខ-អំពីគ្រូបង្រៀន
សាលារៀនប៊ី អ៊ិចស្ពឺត មានគ្រូបង្រៀន ដែលមានសញ្ញាបត្រគរុកោសល្យ មត្តេយ្យសិក្សា បឋមសិក្សានិងគ្រូមួយចំនួនទៀតកំពុងបន្ត ការសិក្សាថ្នាក់បរិញ្ញាបត្រ ដែលមានបុគ្គលក្ខណៈគ្រប់គ្រាន់ បង្រៀនប្រកបដោយការយកចិត្តទុកដាក់ រួមជាមួយក្តីស្រលាញ់ និងមានភាពច្នៃប្រឌិត ការប្តេជ្ញាចិត្តខ្ពស់ ទេពកោសល្យ និងបទពិសោធន៍ជាច្រើនឆ្នាំ ក្នុងការបង្រៀនកម្មវិធីភាសាខ្មែរស្តង់ដារជាតិ ដែលធ្វើអោយសិស្ស ងាយយល់ ឆាប់ចាប់បាន ឆាប់ចេះ និងទទួលនូវចំណេះដឹង ប្រកបដោយសមត្ថភាពពេញលេញយ៉ាងពិតប្រាកដ។
គ-សម្ភារៈរូបវន្ត
សាលារៀនប៊ី អ៊ិចស្ពឺត មានដាក់រូបភាព (Posters) និងពាក្យស្លោកតាមជញ្ជាំងក្នុងថ្នាក់រៀនដែលទាក់ទងទៅនឹងមេរៀន រួមទាំង ឧបករណ៍សំរាប់បង្រៀន ដូចជា TV, Flash Cardsនិង Story Cards ព្រមទាំងមានប្រព័ន្ធអ៊ិនធឺណិតសម្រាប់ជំនួយដល់ការបង្រៀន និង ទាញយកឯកសារផ្សេងៗដើម្បី ជំនួយដល់ការសិក្សារបស់សិស្សឲ្យកាន់តែមានគុណភាព, បន្ទប់ហ្វឹកហ្វឺនភាសា,បណ្ណាល័យ, អាហារដ្ឋានសិស្ស , បន្ទប់កុំព្យូទ័រ ធំទូលាយ ងាយស្រួល់ដល់ការសិស្សា ។
ឃ-អំពីថ្នាក់រៀន
បន្ទប់រៀននីមួយៗ របស់ មានកង្ហារធំ មានបង្អួចធំៗចំនួនបី ដែលផ្តល់ឲ្យមានបរិយាកាសខ្យល់ចេញចូលគ្រប់គ្រាន់ បំពាក់ដោយកាម៉េរ៉ាសុវត្ថិភាព សំរាប់តាមដានការសិក្សានិងសកម្មភាពនានារបស់សិស្ស និងការបង្រៀនរបស់គ្រូ និងកំណត់ចំនួន សិស្សត្រឹមតែ ២០ ទៅ២៥នាក់ក្នុងមួយថ្នាក់។
ង-ទស្សនកិច្ចសិក្សា
សិស្សចាប់ពីថ្នាក់ទី៤និងទី៥ ត្រូវបានទៅធ្វើទស្សនកិច្ចសិក្សា នៅកន្លែងប្រវត្តិសាសន៍ផ្សេងៗ តាមលទ្ធភាពដែលអាចធ្វើបាន ហើយថ្នាក់ទី៦ ត្រូវបានទៅធ្វើទស្សនកិច្ចសិក្សានៅសារមន្ទីរជាតិ មួយឆ្នាំម្តងជារៀងរាល់ឆ្នាំ។ក្រោយការធ្វើទស្សនកិច្ចសិក្សាសិស្សត្រូវសរសេររៀបរាប់នូវចំណាប់អារម្មណ៍របស់ខ្លួនអំពីលទ្ធផលនៃទស្សនកិច្ចសិក្សា ដើម្បីយកពិន្ទុទៅបូកជាមួយពិន្ទុប្រចាំខែ ។
ច-អំពីការប្រឡង
រាល់ការប្រឡង ប្រចាំខែ និងឆមាស សាលាបានរៀបចំពេលវេលា ជាក់លាក់ និងវិញ្ញាសាត្រឹមត្រូវដើម្បីធានាឲ្យបាន នូវគុណភាពជាចំបង ប៉ុន្តែចំពោះការប្រឡងឆមាស(លើកទី១ និងទី២) ថ្នាក់ទី៦សិស្សប៊ី អ៊ិចស្ពឺត ត្រូវបានបញ្ជូនទៅប្រឡងជាមួយសិស្សថ្នាក់ទី៦នៅសាលារដ្ឋ ។
ភាសាខ្មែរ ថ្នាក់ទី ៤
|
មុខវិជ្ជាគោល |
គណិតវិទ្យា |
ភាសាខ្មែរ |
ភាសាអង់គ្លេស |
សិក្សាសង្គម |
វិទ្យាសាស្រ្ត |
|
ចំណោទ មធ្យមភាគ ប្រភាគ |
ថ្នាក់ពាក្យ |
ការសរសេរនិងការអាន |
ភូមិសាស្រ្តកម្ពុជា ការគូសផែនទី ប្រវត្តិសាស្រ្តក្នុងតំបន់ |
សត្តវិទ្យា |
|
|
មុខវិជ្ជាផ្សេងៗ |
គំនូរ/ការផាត់ពណ៌ |
តន្រ្តី |
ចលនា |
ហត្ថកម្ម |
|
|
ប្រើខ្មៅដៃគូសក្រឡាល្អិតៗ |
Scales ឧបករណ៍ខ្សែ |
ការរត់ លោត និងបោះ |
ការចាក់ខ្វែង និងការចាក់ម្ជុលមួយ សូនរូបពីដីឥដ្ឋ |
||
|
កម្មវិធីផ្សេងៗ រួមបញ្ចូល:
|
ការចម្អិន៖ ជំនាញក្នុងផ្ទះបាយ វាក្យសព្ទ ម្ហូបអន្តរជាតិ អនាម័យ និងការសម្អាត |
||||