Course DetailsHome / Courses Details
ភាសាខ្មែរ ថ្នាក់ទី ៥
ថ្នាក់ទី៥
ថ្នាក់ទី៥ជាឆ្នាំដែលតែងតែត្រូវបានគេហៅថា Golden Year ព្រោះការអភិវឌ្ឍរាងកាយ អារម្មណ៍ និងប្រាជ្ញាសា្មរតីរបស់សិស្សានុសិស្សឈានដល់ចំណុចតុល្យភាពមួយដ៏សាកសម្យ។ ពួកគេមានភាពងាយស្រួលក្នុងការធ្វើចលនារាងកាយ មានចិត្តល្អ និងមានទេពកោសល្យផ្ទាល់ខ្លួន។ ការយល់និងស្គាល់ និងការមានចំណាប់អារម្មណ៍លើពិភពលោកមានសមភាពគ្នាដោយសារពួកគេមានការយល់យ៉ាងច្បាស់ពីអារម្មណ៍របស់ពួកគេ។ ជាមួយនឹងសមត្ថភាពប្រាជ្ញាដ៏រឹងមាំ សិស្សានុសិស្សអាចបំពេញកិច្ចការដែលកាន់តែពិបាកស្មុគស្មាញដោយឯករាជ្យ។ ដោយរួមផ្សំជាមួយនឹងការអភិវឌ្ឍដ៏សំខាន់នេះ មេរៀនរបស់ពួកគេមានការពង្រីកដល់ប្រទេសឥណ្ឌាពីបុរាណ ប្រទេសពែរ្ស (Persia) អេហ្សីប និងក្រិកបុរាណ។ រឿងនិទានមិនត្រឹមតែមានតែរឿងព្រេងនោះទេ ប៉ុន្តែក៏មានបញ្ចូលនូវចំណុចចាប់ផ្តើមនៃប្រវត្តិសាស្ត្ររបស់អរិយធម៌នីមួយៗ ក៏ដូចជាឥទ្ធិពលដែលមានទៅលើវប្បធម៌ជំនាន់ក្រោយ។
ភាសា
ជំនាញភាសានៅឆ្នាំនេះធ្វើការផ្តោតទៅលើសំណង់ល្បះ វាក្យសព្ទ ការសម្គាល់និងការប្រើប្រាស់ថ្នាក់ពាក្យផ្សេងៗដើម្បីបង្កើនភាពទាក់ទាញនិងចំណាប់អារម្មណ៍ទៅលើអត្ថបទ។ វេយ្យាករណ៍ត្រូវបានបង្រៀនកាន់តែច្រើន ហើយសិស្សានុសិស្សចាប់ផ្តើមអាននិងកែតម្រូវការសរសេររបស់ខ្លួនឯង។ ការប្រមូលផ្តុំនិងរៀបគំនិតតាមលំដាប់លំដោយត្រូវបានពង្រឹងដោយការរំលឹកមេរៀននិងការពិភាក្សាសុីជម្រៅនៃព្រឹត្តិការណ៍ដែលកើតឡើងក្នុងអរិយធម៌បុរាណ។ សិស្សថ្នាក់ទី៥ ជាទូទៅប្រើប្រាស់សមត្ថភាពនិងជំនាញទាំងនេះដើម្បីសង្ខេបរឿង សរសេររបាយការណ៍សៀវភៅ និងសិក្សាស្រាវជ្រាវប្រធានបទក្នុងមេរៀនភូមិវិទ្យា។
គណិតវិទ្យា
បន្ទាប់ពីមានការយល់យ៉ាងរឹងមាំពីមេរៀនប្រភាគ យើងនឹងចាប់ផ្តើមរៀនពីចំនួនទសភាគជាមួយនឹងការរំលឹកពីតម្លៃលេខតាមខ្ទង់និងបន្តទៅទំនាក់ទំនងរវាងប្រភាគនិងចំនួនទសភាគ។ ការធ្វើប្រមាណវិធីទាំងបួនជាមួយនឹងចំនួនទសភាគត្រូវបានអនុវត្ត ក៏ដូចជាការប្រៀបធៀបលេខ។ ដោយបូកផ្សំជាមួយនឹងការរៀនពីអរិយធម៌ផ្សេងៗ ប្រព័ន្ធលេខផ្សេងៗក្នុងអរិយធម៌ខុសៗគ្នាក៏នឹងត្រូវបានបង្រៀនផងដែរ ហើយសិស្សានុសិស្សនឹងមានឱកាសក្នុងការសរសេរនិងគណនា។ បរិមាត្រនិងផ្ទៃក្រឡាត្រូវបានបង្រៀននិងគណនាតាមរយៈវិធីសាស្ត្រនិងទម្រង់ផ្សេងៗ។
វិទ្យាសាស្ត្រសង្គម
មេរៀនភូមិវិទ្យារបស់យើងរាយសាយដល់ទីតាំងភូមិសាស្ត្រប្រទេសកម្ពុជានិងប្រទេសផ្សេងៗនៅអាសុីអាគ្នេយ៍។ ទំហំដ៏ធំនៃទ្វីបអាសុីត្រូវបានសិក្សាដោយរួមមានសមាជិកប្រទេសផ្សេងៗ សណ្ឋានដី និងវប្បធម៌ដែលសិស្សានុសិស្សនឹងរៀននិងមើលតាមលំហូរនៃទន្លេមេគង្គនិងពង្រឹងលើសមត្ថភាពគូសផែនទីរបស់ពួកគេ។ រុក្ខសាស្ត្រនឹងត្រូវបានសិក្សាតាមរយៈការសង្កេតដោយម៉ត់ចត់និងការធ្វើបទបង្ហាញបែបសិល្បៈពីប្រភេទរុក្ខជាតិផ្សេងៗនិងវដ្តជីវិតធម្មជាតិ។ ពួកយើងចាប់ផ្តើមជាមួយនឹងផ្នែកធម្មជាតិក្នុងមេរៀនវិទ្យាសាស្រ្តដោយផ្តោតទៅលើរុក្ខជាតិដែលមានក្នុងតំបន់ ប្រភេទដី និងអាកាសធាតុដើម្បីត្រៀមសិស្សានុសិស្សសម្រាប់ប្រធានបទផ្សេងៗដែលនឹងបង្រៀននៅថ្នាក់អនុវិទ្យាល័យ។
ក-អំពីបឋមសិក្សា
សាលាឋមសិក្សាប៊ី អ៊ីចស្ពឺត គឺជាសាលារៀនឯកជនតែមួយគត់នៅស្រុកថ្មគោល ខេត្តបាត់ដំបង ដែលមានទីធ្លារធំទូលាយ អនាម័យ និង វិន័យល្អ និង មានតម្លៃសិក្សាសមរម្យ និងឈានមុខគេ ក្នុងការផ្តល់សេវាអប់រំ ផ្នែកចំណេះទូទៅស្របតាមកម្មវិធីសិក្សារបស់ ក្រសួងអប់រំ យុវជន និងកីឡា។ប៉ុន្តែដោយឡែកកម្មវិធីសិក្សារបស់ប៊ី អ៊ិចស្ពឺត មានបន្ថែម ភាសាអង់គ្លេសទៅលើចំណងជើង (Titles)និងចំណងជើងរង (Sub-Titles) ចាប់ពីថ្នាក់ទី១ ដល់ទី៦ហើយមានកម្មវិធីសិក្សាភាសាអង់គ្លេសចំនួន៤ ម៉ោង ក្នុងមួយ ថ្ងៃ ចាប់ពីថ្នាក់ទី៤ ដល់ទី៦និង កម្មវិធីសិក្សាកុំព្យូទ័រចំនួន២ ម៉ោង ក្នុងមួយសប្តាហ៍ ។ សិស្សប៊ី អ៊ិចស្ពឺតបានប្រឡងឆមាសជាប់ តាមតេសស្តង់១០០% ជារៀងរាល់ឆ្នាំ។
ខ-អំពីគ្រូបង្រៀន
សាលារៀនប៊ី អ៊ិចស្ពឺត មានគ្រូបង្រៀន ដែលមានសញ្ញាបត្រគរុកោសល្យ មត្តេយ្យសិក្សា បឋមសិក្សានិងគ្រូមួយចំនួនទៀតកំពុងបន្ត ការសិក្សាថ្នាក់បរិញ្ញាបត្រ ដែលមានបុគ្គលក្ខណៈគ្រប់គ្រាន់ បង្រៀនប្រកបដោយការយកចិត្តទុកដាក់ រួមជាមួយក្តីស្រលាញ់ និងមានភាពច្នៃប្រឌិត ការប្តេជ្ញាចិត្តខ្ពស់ ទេពកោសល្យ និងបទពិសោធន៍ជាច្រើនឆ្នាំ ក្នុងការបង្រៀនកម្មវិធីភាសាខ្មែរស្តង់ដារជាតិ ដែលធ្វើអោយសិស្ស ងាយយល់ ឆាប់ចាប់បាន ឆាប់ចេះ និងទទួលនូវចំណេះដឹង ប្រកបដោយសមត្ថភាពពេញលេញយ៉ាងពិតប្រាកដ។
គ-សម្ភារៈរូបវន្ត
សាលារៀនប៊ី អ៊ិចស្ពឺត មានដាក់រូបភាព (Posters) និងពាក្យស្លោកតាមជញ្ជាំងក្នុងថ្នាក់រៀនដែលទាក់ទងទៅនឹងមេរៀន រួមទាំង ឧបករណ៍សំរាប់បង្រៀន ដូចជា TV, Flash Cardsនិង Story Cards ព្រមទាំងមានប្រព័ន្ធអ៊ិនធឺណិតសម្រាប់ជំនួយដល់ការបង្រៀន និង ទាញយកឯកសារផ្សេងៗដើម្បី ជំនួយដល់ការសិក្សារបស់សិស្សឲ្យកាន់តែមានគុណភាព, បន្ទប់ហ្វឹកហ្វឺនភាសា,បណ្ណាល័យ, អាហារដ្ឋានសិស្ស , បន្ទប់កុំព្យូទ័រ ធំទូលាយ ងាយស្រួល់ដល់ការសិស្សា ។
ឃ-អំពីថ្នាក់រៀន
បន្ទប់រៀននីមួយៗ របស់ មានកង្ហារធំ មានបង្អួចធំៗចំនួនបី ដែលផ្តល់ឲ្យមានបរិយាកាសខ្យល់ចេញចូលគ្រប់គ្រាន់ បំពាក់ដោយកាម៉េរ៉ាសុវត្ថិភាព សំរាប់តាមដានការសិក្សានិងសកម្មភាពនានារបស់សិស្ស និងការបង្រៀនរបស់គ្រូ និងកំណត់ចំនួន សិស្សត្រឹមតែ ២០ ទៅ២៥នាក់ក្នុងមួយថ្នាក់។
ង-ទស្សនកិច្ចសិក្សា
សិស្សចាប់ពីថ្នាក់ទី៤និងទី៥ ត្រូវបានទៅធ្វើទស្សនកិច្ចសិក្សា នៅកន្លែងប្រវត្តិសាសន៍ផ្សេងៗ តាមលទ្ធភាពដែលអាចធ្វើបាន ហើយថ្នាក់ទី៦ ត្រូវបានទៅធ្វើទស្សនកិច្ចសិក្សានៅសារមន្ទីរជាតិ មួយឆ្នាំម្តងជារៀងរាល់ឆ្នាំ។ក្រោយការធ្វើទស្សនកិច្ចសិក្សាសិស្សត្រូវសរសេររៀបរាប់នូវចំណាប់អារម្មណ៍របស់ខ្លួនអំពីលទ្ធផលនៃទស្សនកិច្ចសិក្សា ដើម្បីយកពិន្ទុទៅបូកជាមួយពិន្ទុប្រចាំខែ ។
ច-អំពីការប្រឡង
រាល់ការប្រឡង ប្រចាំខែ និងឆមាស សាលាបានរៀបចំពេលវេលា ជាក់លាក់ និងវិញ្ញាសាត្រឹមត្រូវដើម្បីធានាឲ្យបាន នូវគុណភាពជាចំបង ប៉ុន្តែចំពោះការប្រឡងឆមាស(លើកទី១ និងទី២) ថ្នាក់ទី៦សិស្សប៊ី អ៊ិចស្ពឺត ត្រូវបានបញ្ជូនទៅប្រឡងជាមួយសិស្សថ្នាក់ទី៦នៅសាលារដ្ឋ ។
កម្មវិធីសិក្សាថ្នាក់ទ៥
|
មុខវិជ្ជាគោល |
គណិតវិទ្យា |
ភាសាខ្មែរ |
ភាសាអង់គ្លេស |
សិក្សាសង្គម |
វិទ្យាសាស្រ្ត |
|
ចំនូនទសភាគ ប្រភាគ ចម្រាស់ផលគុណ ចំនួនចម្រុះ គូររូបធរណីមាត្រដោយដៃ |
ការសរសេរប្រកបដោយភាពច្នៃប្រឌិត ធាតុផ្សំនៃសាច់រឿង |
អក្សរសាស្រ្ត សន្ទនាកម្រិតខ្ពស់ វេយ្យាករណ៍ អំណានត្រិះរិះ |
ភូមិសាស្រ្តក្នុងតំបន់ ការសិក្សាពីទ្វីបអាស៊ី |
រុក្ខសាស្រ្ត៖ រៀនពីរុក្ខជាតិ វដ្តជីវិត ទំនាក់ទំនងរវាងរុក្ខជាតិនិងសត្វ |
|
|
មុខវិជ្ជាផ្សេងៗ |
គំនូរ/ការផាត់ពណ៌ |
តន្រ្តី |
ចលនា |
ហត្ថកម្ម |
|
|
គូររូបធរណីមាត្រប្រើដៃ |
Scales ឧបករណ៍ខ្សែ |
ល្បែងកីឡាអូឡាំពិក ការលោតចម្ងាយ ការបោះ ការរត់ល្បឿន |
ការចាក់រូបដោយប្រើម្ជុលលើសពីមួយការដេររូបដោយប្រើ ក្រណាត់អំបោះ ការសូនរូបជាថូឬ |
||
|
កម្មវិធីផ្សេងៗ រួមបញ្ចូល:
|
ការចម្អិន៖ ជំនាញក្នុងផ្ទះបាយ វាក្យសព្ទ ម្ហូបអន្តរជាតិ អនាម័យ និងការសម្អាត |
||||